कमिसन प्रकरणको अडियोबारे दिउँसो बोल्छुः मन्त्री बास्कोटा

on: February 20, 2020

सेयर

काठमाडौं ।

७० करोड कमिसन प्रकरणको अडियो सार्वजनिक भएपछि सञ्चारमन्त्री गोकुल प्रसाद बास्कोटाले आफ्नो गल्ति नभएको बताएका छन् ।

खाएको विषमात्रै लाग्ने भन्दै उनले भने, ‘खाएको विष लाग्छ, नखाएको विष लाग्दैन, एक-दुई दिन मजा लिन दिनुस्।’ सेतोपाटीले लेखेको छ ।

‘त्यस्तो करोडौंको प्रस्ताव धेरैले राख्छन्, कतिले मोबाइल रेकर्ड गर्छन्, काम भए गुपचुप राख्छन्। नभए के हुन्छ देखिहाल्नु भयो’ उनले भने, ‘त्यो काम मैले गरें कि गरिनँ हेर्दा होला।’

उनले आफूलाई त्यस्ता धेरै प्रस्ताव आउने गरेको पनि बताए। ‘त्यस्ता प्रस्ताव धेरैवटा आउँछन्। आउनेजति सबै मान्ने हो भने १० अर्ब जतिको आयो होला’, उनले भने।

मन्त्री बाँस्कोटाले सो अडिओ टेपका बारेमा आज ३ बजे हुने सरकारको नियमित पत्रकार सम्मेलनमा बोल्ने बताए।

shere this

Share counter