गजल – मजदुर दिवस विशेष

जून टिप्ने महल बन्छन् हाम्रा हाड घोटी
तर किन हाम्रो बास सडकको किनारा ?

किन हाम्रो जिन्दगी भो सँधै भोको नाङ्गो ?
सोच्न थाल्यौं श्रमिकले सुन मजदुर-मारा !

मोतीजस्तै पसिना त्यो अञ्जुलीमा थापी
तिम्रो स्वर्ग सजेको हो बुझ्यौं तिम्रो पारा !

ब्युँझौं श्रमिक उठौं अब सोचौं आफ्नोलागि
भाँच्नु पर्छ मान्छे खाने ब्यवस्थाका दाह्रा !

संसारभरका श्रमिक हो बनौं एक ढिक्का
ढालौं स्वर्ग शोषकको हाम्रो मूल नारा !