सेयर
-रामराजा तिमिल्सिना
माग्दै जीवन यो चलाउन सकूँ यस्तो मगन्ते हुँ म
बाख्रा पालन फर्म बाट हसुरूँ नेपाल हन्ते हुँ म
साठी जत्ति त एम्सिसीसित लिऊँ बीआरआई दियोस् सत्तरी
मागौँ भारतमा असी जति गनोस् बन्नै पर्यो पोतरी
जे जे छन् सब देशका धनहरू यी सम्पदा दिन्छु म
हे दाता परतन्त्र बाट जहिल्यै तिम्रै गधा हुन्छु म
यी संसाधन हुन् धरातल तथा पानी म खाली गरूँ
पैसो मिल्छ भने म बन्छु भरिया आमा दलाली गरूँ
shere this
