कविताः दियो खेती

-निभा शाह

सरकार भन्छ
गणतन्त्रको दियो बाल
गणतन्त्र दियो बालें ।

तीन हजार बर्षदेखिलखेटि
दैँ लखेटिदैँ आएको नवराज
यसरी लखेटिदै लखेटिदै आयो कि
नवराजको एक हाँफले
गणतन्त्रको दियो निभ्यो ।

गणतन्त्रको दियो बाल्छु
नवराज हाँफिन्छ
गणतन्त्रको दियो निभ्छ
खोई सरकार
कसका लागि गणतन्त्र आयो ?

समाजवादको दियो बाल्छु
सुर्यबहादुर तामाङ
हाच्छिउँ गर्छ
समाजवादको दियो निभ्छ
खोई सरकार
कसका लागि समाजवाद आयो ?

दिदी गणतन्त्रको दियो बाल्न खोज्दै थिईन
दियोभरी
निर्मलाका आँखाबाट
तप-तप आँशु खसे
दियो बलेन
खोई सरकार
कसका लागि गणतन्त्र आयो ?

आमा  गणतन्त्रको दियो बाल्न खोज्दै थिइन
परदेश गएको देश
यसरी रोयो कि
दियोभरी आँशु थियो
दियो बलेन
खोई सरकार
कसका लागि गणतन्त्र आयो ?

बजु गणतन्त्रको दियो बाल्न खोज्दै थिइन
रातो बाकसबाट आँशु
तप-तप
दियोभरी खस्यो
दियो बलेन
के यो सुनामीको संकेत हो ?