गजल

प्रदिप नेपाल

गाँउघर मै बसी अब आफ्नो हात चलाउने हो
अदुवा फर्सी मिठा मिठा काँक्रा फलाउने हो !

कोरोनाले सम्झाइदियो गाँउको महत्वलाइ
संसारभर आफ्नै गाँउको नाम कहलाउने हो !

आफ्नो काम आफ्नै नाम हुकुम छैन कसैको
शहरिया माफियाको सारा संसार जलाउने हो !

चार हात पाउ अब गाँउकै पाखोमा चल्नेछन्
श्रम पसिना बगाएर बाँझा बारी गलाउने हो !!

बा आमा र प्रियसीलाई आँखैअघि राखेर अब
हलो कोदालो चलाएर पिरको पहाड ढलाउने हो !!