सरकारले तत्काल मजदुरको सम्बोधन नगरे सडकमा उत्रने ‘हाम्रो नागरिक अभियान’को चेतावनी

on: ५ बैशाख २०७७, शुक्रबार २२:१६

काठमाडौं ।

श्रमजीवी मजदुरहरुको पक्षधर हाम्रो नागरिक अभियानले कोरोना सन्त्रासका बीच लाखौं जनता भोकमरीको स्थितिमा पुग्ने वातावरण सिर्जना भएको भन्दै सरकारको आलोचना गरेको छ । नागरिक अभियन्ता स्वनाम साथी सहित लेखक कवि पत्रकार लगायतको अभियानले सरकारले घोषणा गरेको लकडाउनका बेला मजदुर, किसान, साना आय भएका व्यवसायी तथा श्रमजीवी वर्ग अभाव भोकमरी र हैरानी खेप्न बाध्य भएको ध्यानाकर्षण गरेको हो ।

सरकारले लकडाउनका कारण खान बस्न नपाइ घर फर्केका मजदुरको उचीत व्यवस्थापन नगरेको भन्दै अभियानले राज्य अमानविय र गैरिजिम्मेवार हर्कत गरेको जनाएको छ ।

स्वास्थ्यकर्मीमाथी सुरक्षाकर्मीको आक्रमण, औषधी किन्ने नागरिकमाथी लाठीचार्ज, राहतका कार्यक्रम प्रभावहिन कार्यक्रमले नागरिकलाई राज्य हुनुको आभाष दिलाउन नसकेको भन्दै सरकारले तत्काल प्रभावकारी कदम नचाले कडा संघर्षमा उत्रने अभियानको चेतावनी छ ।

अभियानले घर फर्किन बाध्य नागरिकलाई सुरक्षीत घर फर्काउन, राहत वितरण व्यवस्थित गर्न, मल बिउ सहज बनाउन, कृषि अनुदान घोषणा गर्न र मजदुरलाई सम्बोधन गर्न माग गर्दै यी माग पुरा नभए सडकमा आउने चेतावनी दिएको हो । अभियानमा हालसम्म लेखक, विश्लेषक, राजनीतिज्ञ, स्वतन्त्र नागरिक लगायत ६० जनाभन्दा बढी जोडिएका छन् । अभियन्ताहरु थपिने क्रम जारी छ ।

अभियन्ताहरुः

स्वनाम साथी- नागरिक अभियन्ता

रसुवाली कवि -लेखक

श्रवण मुकारुङ -कवि

सुविन न्यौपाने कान्जीभाइ -लेखक

जितेन्द्र तामाङ –लेखक/जनमुक्ति सेनाका पुर्ब कमान्डर

रत्न प्रसाद अनामणि -साहित्यकार

अशोक सुवेदी –लेखक/मार्क्सवादी समालोचक

बिपि बिद्रोह -साहित्यकार

बिज्ञान शर्मा –लेखक/राजनीतिक बिश्लेषक

तुलसी बास्कोटा –लेखक/फिल्म निर्देशक

घनश्याम तिमल्सिना -फिल्म निर्देशक/कलाकार