धादिङको जोगिमारास्थित हुग्दी खोलामा ट्रक दुर्घटना हुँदा तीन जनाको मृत्यु

धादिङ, ९ असार ।
पृथ्वी राजमार्ग अन्तरगत धादिङको जोगिमारास्थित हुग्दी खोलामा आज बिहान ट्रक दुर्घटना हुँदा तीन जनाको मृत्यु भएको छ ।

काठमाडौंबाट चितवनतर्फ गइरहेको ना ६ ख ३१२३ नम्बरको ट्रक हुग्दी खोलामा दुर्घटना भएको इलाका प्रहरी कार्यलय गजुरीले जनाएको छ ।
मृत्यु हुनेमा ट्रक चालक बारा जिल्ला गढीमाई निवासी नरबहादुर खत्री, सहचालक जीवन लामा र ट्रकमा सवार एक यात्रु संजू राइ रहेका छन् । अत्याधिक गतीमा गुडेको ट्रक सडकबाट खोलामा खसेर दुर्घटना भएको इलाका प्रहरी कार्यालय गजुरीका प्रहरी निरीक्षक बरुण सिंहले जानकारी दिनु भएको छ ।