चित्रल (पाकिस्तान), ९ फागुन
पाकिस्तानको उत्तरी भागमा गएको हिमपहिरोका कारण सात श्रमिकको मृत्युभएको छ भने चार व्यक्ति अझै हिउँमा पुरिएका छन् । पाकिस्तानी एक वरिष्ठ अधिकारीका अनुसार त्यस दुर्घटनमा सात व्यक्ति घाइते भएका छन् र दुर्घटना खैबर पख्तुनख्वा प्रान्तको दिर र चित्रल जिल्ला जोड्ने लोवारी सुरुङ नजिकै भएको थियो । हिमपहिरोका कारण अवरुद्ध भएका यात्रुको उद्धार तथा उपचारका लागि सुरक्षाकर्मी र उद्धारटोलीका समूह घटनास्थलतर्फ गएका स्थानीय वरिष्ठ प्रशासक सहाब हमिदले जानकारी दिनुभएको छ । उहाँले बाँकी कामदारलाई जिउँदै निकाल्ने प्रयास भइरहेको जानकारी दिनुभएको छ । यसै महिनाको आरम्भमा भएको घना वर्षा तथा गएको हिम पहिरोको कारण कम्तीमा १३ व्यक्तिको मृत्यु भएको थियो भने २० घर नष्ट भएका थिए । पाकिस्तान हरेक वर्ष शितकालमा खराब मौसम तथा हिमपहिरो र गृष्ममा बाढीका कारण निकै प्रभावित हुने गरेको छ ।
दन्युज अनलाईनको सहयोगमा
